Eucharistic Ministry

Ti Misyonmi

Ti Eucharistic Ministry ti Parokia ni San Antonio de Padua, iti pannakainspirarna iti ayat ni Jesucristo, tumulong iti padi iti panangipaay iti Nasantoan a Comunion.

Siasinokami

Parokianonakami ni San Antonio de Padua a nangikumit iti bagimi a dummakkel iti pammati babaen iti panagserbimi iti maysa ken maysa ken ni Apo Dios. Maiturong ti puso ken nakemmi iti pannakipaset ken pannakipagrambak iti Liturhiya ti Misa ken iti panagserbi iti lamisaan ti Apo.

Dagiti Aramidmi

Dakami nga agserserbi iti Eucharistic Ministry:

· Isaganami ti credence table kasangoanan ti Misa

· Makipasetkami iti procession iti rugi ti Misa

· Tulonganmi ti Apo Padi a mangipaay ti Nasantoan a Comunion iti uneg ti Misa

· Dalusanmi dagiti sacred vessels kalpasan ti Misa

Kasano a Makapagbalinka a Kameng iti daytoy a Ministry

No addaanka iti natibker a pammati, no ay-ayatem ti Apo ken isakitmo ti parokia, ken no tarigagayam ti agserbi, mabalinka a makipaset iti daytoy a ministry ti parokia.

Maidawat kadagiti Eucharistic Ministers nga addada koma iti simbaan 20 minutos kasangoanan ti Misa.

Maragsakankami nga umawat ken mangpasangbay kadagiti baro a ministros iti gimongtayo.

Kumpletoen laeng ti form iti daytoy a brochure ken isubmitir iti opisina ti parokia. Mabalin iti makiuman iti uray siasinoman kadagiti Eucharistic Ministers ti parokia.