Hospitality Ministry

Ti Misyonmi

Ti Hospitality Ministry ti Parokia ni San Antonio de Padua, iti pannakainspirarna iti ayat ni Jesucristo, tumulong iti panangpasangbay kadagiti amin a sumrek ken makipaset kadagiti aramid a pagdaydayaw iti Dios.

Siasinokami

Parokianonakami ni San Antonio de Padua a nangikumit iti bagimi a mangsarabo ken mangpasangbay iti nainkabsatan a wagas kadagiti amin a sumrek iti balay ti Apo.

Dagiti Aramidmi

Dakami nga agserserbi iti Hospitality Ministry:

· Kablaawanmi dagiti amin a makimisa iti isasangpetda iti simbaan

· Tumulongkami para iti naurnos a panagdaton

· Sisasaganakami a mangipaay iti aniaman a kasapulan dagiti makimisa bayat iti selebrasyon

· Ibunongmi dagiti surat, pakaammo ken dadduma pay

· Siguradoenmi a nadalus ti simbaan kalpasan ti Misa

Kasano a Makapagbalinka a Kameng iti daytoy a Ministry

No mariknam ti awag nga agserbi iti Apo babaen iti panangipaay ti friendly smile ken panangibiag ti welcoming attitude, makipasetka iti daytoy a ministry.

Maidawat kadagiti Hospitality Ministers nga addada koma iti simbaan 30 minutos kasangoanan ti Misa.

Kumpletoen laeng ti form iti daytoy a brochure ken isubmitir iti opisina ti parokia.